گنجینه نوای قاسمی - 2
در 1 1 1 از 1 1'>حضرت 1 (س) 1 به حضرت 1 (س)
شهرون دیل زینب کیمی ویران اولا ای شام
بو شهره گلن قافله گریان اولا ای شام
دیل اهلینه بو شهری نصیب ایتمه سین آلله
بو شهرده هیچ شخصی غریب ایتمه سین آلله
سالدوخ سنه ای شام ایله کی رحل اقامت
منلن واریدی جمع نوامیش طهارت
بیداده گرفتاریدی ورّاث عدالت
سن شاهدیدون زینب و کلثوم و ربابه
چکدی بیزی آغوشینه بیر غملی خرابه
مهمانیدی آل علوی سنده نه حاصل
ویرانه مکاندا بیزه ویرمیشدیله منزل
آسایشمیز اولدی او ویرانه ده مشکل
نه سقفی نه دیواری واریدی او مکانون
تلخ اولدی بیزیم کاممیزه آب روانون
هیچ بیر یوزمیز گولمدی بو طول زماندا
مهماندوک آخر سنه محنتلی مکاندا
مهمانه یازوبلا بو مصیباتی هایاندا
شهرون علی اولادینه دام خطر اولدی
طوفان مصائب گونی گوندن بتر اولدی
سیخدون بیزی دائم نیه محنت اتگونده
سالدون دیلی شیرین قیزی دیلدن نچه گونده
بیزدن نه عداوت واریدی داش اورگونده
اکبر باجیسی دوشدی او اندازه فشاره
اوز عمّه سی آخر اونی تاپشوردی مزاره
بیر گون بو خانم قیزلارون اجلالی واریدی
خوش گونلرینون کوکب اقبالی واریدی
قلبینده ربابون بیله آمالی واریدی
آلله گون اولیدی اوگون اصغر دیل آچیدی
سسلیدی رقیّه باجی دورینده قاچیدی
آغلاردی رقیّم گیجه گوندوز یانا یانه
دوندردی اونون آغلاماقی قلبیمی قانه
قالموشدی حسینمدن او دُردانه نشانه
اونداندا الیم حیف اولا دنیاده اوزولدی
ئولدوز سایاقی غصّه مدارینده سوزولدی
داغلی اورگیم سنده اولوب بحر مصائب
دردیم یازان اولسا دولار اوراق مکاتب
عالملری ایلر بو بالام قبرینه راغب
اکسیر حیا جوهره ی مهر و وفادی
کانون ادب پیکردی لطف و صفادی
بیر ظلّ مبارکدی خداوند تبارک
احسان الیوبدور سنه بیر افسر تارک
پر پر ایلدون نو گلی گلزاردن ال چک
آغوشوه چک دینجله بو یاره لی تیهو
قمری کیمی چالدی ال ایاق ایلدی کو کو
خونابه ی دل زمزم چشمانه قاتوبسان
شاماتی آغیر قیمته رندانه ساتوبسان
اقبالوه باخ رتبه ی شایانه چاتوبسان
مسکن ایلدی چون سنی محبوب خلایق
اولدون داخی بو دهرده مطلوب علایق
اولدون داخی بیر دار شفا شهر مقدس
بو دولته رشک ایلیجک طارم اطلس
گورسه کسیلوب چاره سی بو دهرده هر کس
شاماته طرف دیده سی گریان گله جکدور
بو قبری بیلوب دردینه درمان گله جکدور
غملی بالامون غملری دیللرده ایدر جوش
آهیلن اولار ظلم و ستم نقشه سی مخدوش
مهرین حق ایدر شیعه لرین قلبینه منقوش
گلسه آدی هر یرده عزادارلر آغلار
سیلاب سرشگین یوزه باران کیمی باغلار
زجرون اونا رحم ایلمگه اولمادی میلی
آخرده بالام قبر اوینه اولدی طفیلی
ایوای منه مندنده بالام گیتدی گلیلی
آلله نجه آغ گول دولانوب یاسمن اولدی
جان ویردی غریب اولکه ده قاره کفن اولدی
دردین دیمدی بیر کسه بیچاره رقیّه
ایلردی روان اشکینی رخساره رقیّه
حسرتله باخاردی گوزی یوللاره رقیّه
آغلاردی یاناردی او کچن گونلره خاطر
اوخشاردی مدینه گوزلی اکبره خاطر
هی سسلدی قارداشینی دردین ایده ابراز
ناچار قالوب فوراً ایدوب هجرتین آغاز
اکبر دیدی پَر ویردی ایدوب جنّته پرواز
ترک ایلدی ویرانه نی قورتاردی بلادن
آیریلدی بلاکش بالا جمع اُسرادن
ای شامی ایدن گوشه ی رضوانه مقابل
لطفون اولاجاق بس نه زمان حالیمه شامل
بیر شاعر شوریده دلم لطفوه سائل
چوخداندی (( صفانون )) گوزی قبرینده قالوبدی
بو غصّه نه مدّتدی کی آرامین آلوبدی
******
حاج ناصر تبسمی اردبیلی (صفا)
برچسبها: ناصرتبسمی اردبیلی صفا
برچسب:
نویسنده: ماهان قنبری